IHTning 16-sammiti: jurnalistlar yaratilgan sharoitlar haqida gapirdi
Sammitni yoritish uchun 10 dan ortiq davlatdan 150 dan va 100 dan ziyod mahalliy OAV vakillari akkreditatsiyadan o‘tgan.
Sammitni yoritish uchun 10 dan ortiq davlatdan 150 dan va 100 dan ziyod mahalliy OAV vakillari akkreditatsiyadan o‘tgan.
Kamran Qasimov, Real TV (Ozarbayjon):
— O‘zbekistonda mehmonga hurmat ko‘rsatish juda yuqori saviyada. Oldin ham yurtingizga kelganimda bunga guvoh bo‘lganman. Bugungi tashkilotchilik ham aʼlo darajada. Hatto savol berishimizga imkon qoldirishmayapti, hamma narsa muhayyo qilingan.
Zumrud Pashayeva, APA axborot agentligi (Ozarbayjon):
— Men Iqtisodiy hamkorlik tashkilotining 16-sammitini yoritish uchun Toshkentga kelganimdan juda ham xursandman. Tayyorgarlik masalasiga to‘xtalsam, barchasi aʼlo darajada.
Ahmed Akgul, TRT Haber (Turkiya):
— Dunyoning turli davlatlarida shu kabi nufuzli xalqaro simpoziumlarda ishtirok etganmiz. Agar qiyoslash lozim bo‘lsa, bu yerda – Toshkent mezbonlik qilayotgan IHT 16-sammitini yoritishga kelgan OAV vakillari uchun yaratilgan imkoniyat va sharoitlar bir pog‘ona yuqori darajada deyishimiz mumkin.
Shahnoz Komilzoda, Iran TV International muxbiri:
— Toshkent shahrida bo‘lib o‘tayotgan Iqtisodiy hamkorlik tashkilotining 16-sammiti doirasida ommaviy axborot vositalari uchun yuqori saviyada tayyorgarlik ko‘rilgan. Barcha sharoitlar yuksak darajada tashkil etilgan.
Osiyo Abdullayeva, UzReport TV (O‘zbekiston):
— Iqtisodiy hamkorlik tashkilotining 16-sammiti jarayonlarini yoritish uchun matbuot markazidamiz. Bu yerda internet, umuman texnik tomonlama barcha sharoitlar yaratilgan.
