Dekabr oyi sovuq bo‘lmaydi — O‘zgidromet
Respublikada qishning birinchi oyi iliq kelishi kutilyapti.
O‘zbekistonda dekabr oyida kutilayotgan uzoq muddatli ob-havo prognozi eʼlon qilindi.
Dastlabki hisob-kitoblarga ko‘ra, dekabr oyi sovuq bo‘lmaydi. O‘rtacha oylik harorat meʼyordan yuqori, baʼzi hududlarda meʼyor atrofida bo‘ladi.
Shuningdek, havo harorati kechasi 1-6 daraja sovuqqacha, shimolda 8-13 daraja sovuqqacha pasayishi holatlari kuzatiladi.
Eng issiq kunlarda havo harorati +15-18 darajagacha, janubda +20-22 darajagacha ko‘tariladi.
Dekabr oyi boshlanishi qish uchun xos bo‘lmagan iliq ob-havo bilan boshlanadi. Oyning birinchi haftasida O‘zbekiston bo‘ylab yog‘ingarchiliksiz, quruq, havo harorati kechalari +2-7°S, kunduzlari +13-18°S iliq bo‘lishi kutilmoqda.
Keyinchalik, oyning oxirigacha havo harorati kechalari 5-8 daraja iliqdan 3-6 daraja sovuqqacha, kunduzlari 15-18 daraja iliqdan 2-5 darajagacha iliq bo‘lishi kutilmoqda
