“Karbamazepin” tabletkasi ichidan soch tolasi chiqqani aytilmoqda
Holatga rasmiylar munosabat bildirdi.
Ijtimoiy tarmoqda Karbamazepin dori vositasi birlamchi qadog‘idan soch tolasi chiqqanligi haqida videomurojaat eʼlon qilindi. Hozirda holat SSV Farmatsevtika mahsulotlari xavfsizligi markazi tomonidan o‘rganilmoqda.
Mazkur preparat o‘rnatilgan tartibda laboratoriya tahlillaridan o‘tkazilgandan so‘ng vaziyat bo‘yicha qo‘shimcha axborot berilishi aytilgan.
"Agarda siz dori vositalarining sifatsiz, belgilangan talablarga nomuvofiq ishlab chiqarilgan, nuqsonli holatlariga duch kelsangiz yoki uning sifatidan shubhalansangiz, Farmatsevtika mahsulotlari xavfsizligi markaziga murojaat qiling. Bunda o‘ram yoki qadoqdagi dori vositasi bilan birga uning xarid (tovar va kassa) chekini taqdim etishingiz kerak bo‘ladi", deyiladi rasmiy munosabatda.
