Topganga 40 mln vaʼda qilingan mahbusni kim qo‘lga tushirgani ochiqlandi
Bu bo‘yicha IIBB maʼlumot berdi.
Avvalroq qidiruvda bo‘lgan Abdullayev Akramjon qo‘lga tushgani xabar qilingandi. Toshkent viloyati IIBB bu bo‘yicha qo‘shimcha maʼlumot berdi.
Qayd etilishicha, ko‘rilgan tezkor chora-tadbirlar natijasida qidiruvdagi A.Abdullayev Toshkent viloyati IIBB va IIV Qorovul qo‘shinlari xodimlari tomonidan ushlangan.
Shu tariqa og‘ir va o‘ta og‘ir jinoyat sodir etib qidiruvga berilgan 3 nafar shaxslarga nisbatan qidiruv harakatlari tugatilgan.
"Jarayonlarga befarq bo‘lmagan fuqarolar va qidiruv eʼlonlarini keng yoritishga hissa qo‘shgan barcha OAV vakillariga minnatdorchilik bildiramiz", deyiladi xabarda.
