O‘zbekistonda Yangi yilning ilk kunida qancha chaqaloq tug‘ildi?
SSV raqamlarni ochiqladi.
2024-yil 1-yanvar soat 17.00 holatiga ko‘ra, O‘zbekistonda jami 1043 nafar chaqaloq dunyoga keldi.
Ularning 540 nafari o‘g‘il, 503 nafari qiz bola. Eng ko‘p tug‘ilish Farg‘ona viloyatida (160 nafar) qayd etildi.
Shuningdek, hududlar kesimida keyingi o‘rinlarni:
- Samarqand viloyati (127 nafar),
- Qashqadaryo viloyati (115 nafar),
- Namangan viloyati (105 nafar),
- Andijon viloyati (97 nafar) band etdi.
Eng kam tug‘ilish esa Navoiy viloyati (11 nafar) hissasiga to‘g‘ri keldi. Eʼtiborlisi, tug‘ilganlarning 12 nafari egizakdir.
Ayni paytda shifokorlar go‘daklarning barchasiga belgilangan standartlar bo‘yicha sifatli tibbiy xizmat ko‘rsatmoqda.
