“Bloomberg”ning sobiq menejeri oilasi bilan o‘lik holda topildi
Hodisaning tafsilotlari hozircha oshkor qilinmagan.
Bloomberg axborot agentligining sobiq menejeri Richard Samarel oilasi bilan Janubiy Karolinadagi uyida o‘lik holda topildi. Politsiya jasadlarni qo‘shnilarning tashvishli murojaatidan so‘ng aniqlagan. Samarelning rafiqasi Lina va to‘qqiz yoshli qizi Samantha ham halok bo‘lgan.
Hodisaning tafsilotlari hozircha oshkor qilinmagan. Rasmiylar bu baxtsiz hodisa yoki jinoyat ekani borasida aniq ma’lumot bermagan. Mahalliy sherif idorasi qo‘shimcha tafsilotlar keyinroq e’lon qilinishini bildirgan.
Samarel avval Bloomberg kompaniyasida qimmatbaho qog‘ozlar menejeri bo‘lib ishlagan, uning rafiqasi esa AQSh Faxriylar ishlari departamentida faoliyat yuritgan. Hodisa sodir bo‘lgan vaqtda ularning yana bir qizi va o‘g‘li maktabda bo‘lgan.
