Samarqandda ayol tug‘uruqxona oldida chaqalog‘ini dunyoga keltirib, hojatxonaning chiqindi qutisiga tashlab ketdi
Ayolning qilmishi kuzatuv kameralari orqali aniqlanib, holatga aniqlik kiritildi.
Samarqand viloyatining Payariq tumanida ayol tug‘ruqxona oldida chaqalog‘ini dunyoga keltirib, hojatxonaning chiqindi qutisiga tashlab ketdi. Bu haqida Zamon.uz manbasi xabar bermoqda.
Maʼlumotlarga ko‘ra, voqea viloyatning Payariq tumanida sodir bo‘lgan. Ayol farzandini tug‘ruqxona yonida dunyoga keltirib, hojatxona chiqindisiga tashlab ketgan.
Ayolning qilmishi kuzatuv kameralari orqali aniqlanib, holatga aniqlik kiritilgan. Chaqaloq esa o‘lik holda topilgan.
Zamon.uz holatga oydinlik kiritish maqsadida Samarqand viloyat IIB axborot xizmati bilan ham bog‘landi. IIBga ko‘ra, ayni paytda bu bo‘yicha ekspertiza tayinlangan. Bolaning tirik tug‘ilgani yoki homila nobud bo‘lib keyin tug‘ilganligi aniqlanganidan so‘ng jinoyat ishi masalasi hal etiladi.
“Ekspertiza xulosasi eʼlon qilinganidan so‘ng qo‘shimcha maʼlumot maʼlumot taqdim etiladi”, deyiladi xabarda.
Zamon.uz tez orada voqea yuzasidan batafsil reportajni eʼlon qiladi.
