Dengiz blokadasi bekor qilinsa, Eron bilan kelishuvga erishish qiyinlashadi — Tramp
AQSh prezidentiga ko‘ra, Eron Hormuz bo‘g‘ozi yopilgani sabab kuniga 500 million dollar daromad yo‘qotmoqda.
Donald Tramp Eron atrofidagi dengiz blokadasi bekor qilinadigan bo‘lsa, Tehron bilan kelishuvga erishish imkoniyati keskin kamayishini ma’lum qildi.
AQSh prezidenti bu haqda Truth Social ijtimoiy tarmog‘idagi sahifasida bayonot bergan. Uning ta’kidlashicha, Eron Hormuz bo‘g‘ozining ochilishidan manfaatdor, chunki neft savdosidan katta daromad yo‘qotmoqda.
Trampning so‘zlariga ko‘ra, Eron bo‘g‘oz yopilishi sababli kuniga qariyb 500 million dollar miqdoridagi tushumdan mahrum bo‘lmoqda.
“Eron bo‘g‘oz ochilishini istamoqda. Agar blokada bekor qilinsa, ular bilan kelishuvga erishish ancha mushkul bo‘ladi”, — dedi AQSh prezidenti.
Shuningdek, u bosim choralarining saqlanib qolishi muzokaralarda muhim omil ekanini ta’kidlab, mavjud cheklovlar Tehronni muzokaralarga undayotgan asosiy vositalardan biri ekanini qayd etgan.
Eslatib o‘tamiz, avvalroq Donald Tramp Eron bilan vaqtinchalik sulh muddatini uzaytirish bo‘yicha qaror qabul qilinganini ma’lum qilgan edi.
