Agar xavfsiz bo‘lishni istasangiz, mintaqamizni tark eting — Abbos Aroqchi
Eron TIV AQSh qo‘shinlarini Yaqin Sharqni tark etishga chaqirdi.
Eron tashqi ishlar vaziri Abbos Aroqchi AQShni Yaqin Sharqdagi harbiy kontingentini olib chiqishga chaqirdi. Bu haqda u X ijtimoiy tarmog‘idagi sahifasida ma’lum qilgan.
Vazirning ta’kidlashicha, Eron qurolli kuchlari mamlakat xavfsizligiga qaratilgan har qanday tahdid yoki hujumni javobsiz qoldirmaydi.
“Agar xavfsiz bo‘lishni istasangiz, mintaqamizni tark eting”, — deb yozgan Aroqchi.
Shuningdek, u Eron chegaralari yaqinida faoliyat yuritayotgan xorijiy harbiy kuchlar turli xavflarga duch kelayotganini qayd etgan. Uning fikricha, bunday xavflarning oldini olishning eng maqbul yo‘li mintaqani tark etishdir.
Aroqchi Tehron diplomatik muloqotni afzal ko‘rishini ta’kidlab, zarurat tug‘ilganda Eron o‘z manfaatlarini boshqa vositalar orqali ham himoya qilishga tayyor ekanini bildirgan.
Mazkur bayonot AQSh va Eron o‘rtasidagi keskinlik kuchaygan bir paytda yangramoqda. Avvalroq AQSh prezidenti Donald Tramp Hormuz bo‘g‘ozi yaqinida AH-64 Apache vertolyoti bilan bog‘liq hodisa yuz berganini ma’lum qilgan va Vashington bunga javob qaytargan edi.
