Xomanaiy hujumda og‘ir yaralangan, ammo tirik — Tramp
AQSh prezidenti Xomanaiy tanasining chap qismi, jumladan, qo‘li va oyog‘idan og‘ir jarohatlangani aytdi.
Donald Tramp Eron Oliy rahbari Mujtabo Xomanaiy Eronga qilingan zarbalar oqibatida halok bo‘lmaganini, biroq jiddiy jarohat olganini ma’lum qildi.
Tramp bu haqda amerikalik radio boshlovchisi Glenn Bekka bergan intervyusida aytgan. Uning so‘zlariga ko‘ra, Xomanaiy tanasining chap qismi, jumladan, qo‘li va oyog‘idan og‘ir jarohatlangan.
“Menimcha, u o‘lmagan. U tanasining chap tomonidan, qo‘li va oyog‘idan juda og‘ir jarohatlangan”, — deya ta'kidlagan Tramp.
Mujtabo Xomanaiy 2026-yil mart oyida, otasi Ali Xomanaiy AQSh va Isroilning Eronga qarshi harbiy operatsiyasi vaqtida halok bo‘lganidan so‘ng, Eronning Oliy rahbari etib tayinlangan edi.
Avvalroq The New York Times nashri Mujtabo Xomanaiy hujumlarning dastlabki kunlarida jarohat olgani, biroq xavfsiz joyga olib chiqilgani haqida xabar bergan edi. May oyida esa Eron hukumatidagi manbaga tayanib, uning jarohatlari deyarli bitgani aytilgan.
Avgust oyida Mujtabo Xomanaiyning mart oyida lavozimga kelganidan buyon ilk suratlari ham ommaga tarqalgan edi.
