Eron oliy rahbari Mujtabo Xomanaiy aks etgan video e’lon qilindi
Lavha qachon va qayerda suratga olingani ma’lum qilinmagan.
Eronning yangi oliy rahbari Mujtabo Xomanaiy besh oy ichida ilk bor videoda ko‘rindi. Tegishli videoni Mehr agentligi Telegram-kanalida e’lon qildi.
12 soniyalik videoda Xomanaiy bir necha kishi davrasida o‘tirib, ular bilan suhbatlashayotgani aks etgan. Videoning qachon suratga olingani ma’lum qilinmagan.
Mujtabo Xomanaiy mart oyining boshida otasi Ali Xomanaiy halok bo‘lganidan so‘ng Eronning oliy rahbari etib tayinlangan. Ali Xomanaiy 28-fevral kuni AQSh va Isroil boshlagan harbiy operatsiyaning ilk kunida berilgan zarbalar oqibatida vafot etgan.
Ali Xomanaiyning dafn marosimi xavfsizlik nuqtayi nazaridan bir necha oyga kechiktirildi. Motam marosimi 9-iyul kuni Mashhad shahridagi Imom Rizo maqbarasi hududida o‘tkazildi.
Otasi dafn etilganidan bir necha kun o‘tib, Mujtabo Xomanaiy Eron Ali Xomanaiy va AQSh hamda Isroilning harbiy operatsiyasi qurboniga aylangan boshqa eronliklar uchun qasos olishini aytdi.
