1992-yil 22-dekabrda BMT Bosh Assambleyasining 47-sessiyasida qabul qilingan rezolyusiyaga binoan, har yili 17-oktyabr Xalqaro kambag‘allikni tugatish uchun kurash kuni sifatida nishonlanadi.
Bugun yurtimizda “Kambag‘allikdan farovonlik sari” dasturi doirasida ehtiyojmand oilalarga manzilli yordam ko‘rsatilib, insonlar hayotida ijobiy o‘zgarishlar yuz bermoqda. Kambag‘allikka qarshi kurash davlat siyosatining ustuvor yo‘nalishiga aylandi. “Kambag‘al oilalar reyestri” ishga tushurildi. Shu kunga qadar 667 mingdan ortiq oila kiritildi.
Bu shunchaki raqamlar emas — har bir taqdirning ortida yordam va yangi imkoniyatlar olgan haqiqiy oilalar, bolalar, keksalar va nogironligi bo'lgan insonlar turibdi.