1992 йил 22 декабрда БМТ Бош Ассамблеясининг 47-сессиясида қабул қилинган резолюцияга биноан, ҳар йили 17 октябр Халқаро камбағалликни тугатиш учун кураш куни сифатида нишонланади.
Бугун юртимизда “Камбағалликдан фаровонлик сари” дастури доирасида эҳтиёжманд оилаларга манзилли ёрдам кўрсатилиб, инсонлар ҳаётида ижобий ўзгаришлар юз бермоқда. Камбағалликка қарши кураш давлат сиёсатининг устувор йўналишига айланди. “Камбағал оилалар реестри” ишга туширилди. Шу кунга қадар 667 мингдан ортиқ оила киритилди.
Бу шунчаки рақамлар эмас — ҳар бир тақдирнинг ортида ёрдам ва янги имкониятлар олган ҳақиқий оилалар, болалар, кексалар ва ногиронлиги бўлган инсонлар турибди.