AQSH Xitoyni Rossiyaga harbiy yordam ko‘rsatgan taqdirda og‘ir oqibatlardan ogohlantirdi.
Bu haqda BBC xabar berdi.
Bundan avval Amerikaning yetakchi OAVlari Rossiya XXrdan yordam so‘ragani to‘g‘rsida xabar tarqatgandi. Ammo shu bilan birga aynan qaysi turdagi yordam haqida gap ketgani aniqlashtirilmagan.
“Biz Pekinga chetda turmasligimizni ap qaysidir davlatning Rossiyaning iqtisodiy sanksiyalar ortidan yo‘qotishlarini to‘dirishiga imkon bermasligimizni maʼlum qildik”, – degan AQSH prezidentning milliy xavfsizlik masalalari bo‘yicha maslahatchisi Jeyk Sallivan.
O‘z o‘rnida Xitoyning Vashingtondagi elchixonasi OAV xabarlari feyk ekanini va Moskva yordam so‘ragani haqida unga hech narsa maʼlum emasligini aytgan.
Maʼlumot o‘rnida: Rossiya 24 fevralda Ukrainaga qarshi harbiy operatsiya boshladi. Hozirga qadar ayrim xududlar Moskva nazoratiga o‘tgan. Shuningdek, Mariupol, Xarkov va Kiyevda og‘ir janglar olib borilmoqda.
Urush oqibatida Rossiyaga qarshi og‘ir iqtisodiy sanksiyalar joriy etildi. Xususan, uning asosiy banklari SWIFT tizimidan uzildi. RF zahiralarining 300 milliard dollari muzlatib qo‘yildi. Bundan tashqari, mashhur brendlar Rossiya bozorini tark etmoqda.
Eslatib o‘tamiz, avvalroq Britaniyada sanksiya ostiga tushgan rus oligarxlarining uyiga ukrainalik qochqinlar joylashtirilishi mumkinligi to‘g‘risida xabar berilgandi.
