АҚШ суди Binance криптобиржаси асосчисини 4 ойлик қамоқ жазосига ҳукм қилди
Суд Чжаони АҚШнинг пул ювишга қарши кураш қонунларини бузганликда айбдор деб топди.
Сиэтл федерал суди дунёда энг йирик бўлган Binance криптобиржаси асосчиси 47 ёшли Чанпэн Чжаони тўрт ойлик қамоқ жазосига ҳукм қилди. Прокурорлар унга уч йиллик қамоқ жазосини сўраган эди.
Прокурорлар Binance раҳбариятини 100 000 та шубҳали транзакцияни, жумладан, ҲАМАС, Ал-Қоида ва ИШИД гуруҳларига ўтказмаларни яширишда айблади. Шунингдек, айблов хулосасида келтирилишича, биржа болалар жинсий зўравонлик материалларини сотишни қўллаб-қувватлаган ва товламачиликдан тушган даромаднинг катта қисмини олиб келган.
Binance 4,32 миллиард доллар жарима тўлашга рози бўлди, Чжао эса 50 миллион доллар жиноий жарима тўлади, яна 50 миллион долларни АҚШ Товар фьючерс савдо комиссиясига берди.
