Gerasimov va Milli o‘tgan haftada Xelsinkida uchrashgandi. Ushbu tadbir davomida, shuningdek, harbiy faoliyat doirasida turli hodisalar sodir bo‘lishi masalasi muhokama qilingan.
Gerasimov AQSH generaliga hech qanday vaʼda bermagan. Yuqoridagi masalaning ko‘tarilishiga Jo Bayden adminstratsiyasining Afg‘onistonni kuzatib turish va mamlakatdan keladigan terror xavfini oldini olishga qaratilgan yangi imkoniyatlarni izlayotgani sabab bo‘lgan.
Bundan avval ОАV Putin va Baydenning Jenevadagi uchrashuvida Rossiyaning Markaziy Osiyodagi bazalaridan foydalanish masalasi ko‘tarilishi mumkinligini aytgandi. Ammo “The Wall Street Journal”ning maʼlumotlariga ko‘ra, Putin o‘shanda qo‘shni mamlakatlarga AQSH qo‘shinlarining joylashtirilishiga qarshi chiqqan. Rossiya Amerika harbiy bazalarining Markaziy Osiyoda bo‘lishini o‘zi va mintaqa xavfsizligiga tahdid, deb biladi.
Eslatib o‘tamiz, Vashington o‘tmishda mintaqada harbiy bazalarga ega bo‘lgan. Ammo 2005-yilda ular O‘zbekistonni, 2014-yilda Qirg‘izistonni tark etgan.
Avvalroq "Tolibon" Afg‘onistondagi ISHID jangari to‘g‘risida xabar bergandi. Shuningdek, harakat Rossiyani narkotrafikka qarshi kurashda hamkorlikka chaqirgandi.
Jahongir Qo'ziyev