AQSh Senati a’zosi Tommi Tubervill eronlik va xitoylik abituriyentlarga AQShdagi oliy ta’lim muassasalariga kirish uchun talabalar vizasini berishni taqiqlovchi qonun loyihasini Senatga taqdim etdi.
Bu haqda “Free Iran” Telegram kanali xabar bergan.
Senator Tubervillning ta’kidlashicha, AQShni “dushman davlatlar” deb hisoblanadigan mamlakatlardan bo‘lgan talabalar milliy xavfsizlikka tahdid solishi va amerikalik talabalarning o‘qish imkoniyatlarini cheklashi mumkin.
Qonun loyihasida chet ellik talabalar uchun viza kvotalarini qayta ko‘rib chiqish, qoidabuzarliklar uchun esa qat’iy jazo choralari joriy etish nazarda tutilgan.
“AQShga kelib, bizni yo‘q qilishga tayyorgarlik ko‘rayotgan eronliklarga yo‘l ochib bo‘lmaydi”, — dedi Tubervill Fox News telekanaliga bergan intervyusida.
Agar mazkur qonun loyihasi qabul qilinsa, minglab eronlik talabalar uchun AQShda ta’lim olish imkoniyatlari sezilarli darajada cheklanadi.