Ijtimoiy tarmoqda Surxondaryo viloyatining Boysun tumanida maktabga futbolka kiyib borgan bolani o‘qituvchilar kaltaklab, yelkasini sindirib qo‘ygani aytilgan videomurojaat tarqalgandi.
Videomurojaatda bolaning onasi 2-sinf o‘g‘li maktabda kaltaklangani, bu bo‘yicha tegishli organlarga qilingan murojaatlar javobsiz qolayotgani haqida aytgan.
Holat yuzasidan viloyat Maktabgacha va maktab boshqarmasi rasmiy munosabat bildirdi.
Qayd etilishicha, hozirda mazkur holat boshqarma tomonidan nazoratga olingan.
“Tegishli tashkilotlar bilan hamkorlikda voqea tafsilotlari o‘rganilib, rasmiy maʼlumot beriladi”, deyiladi rasmiy izohda.