Braziliyaning Buritikupu shahrida yer ostiga cho‘kish jarayoni tezlashgani sababli favqulodda holat e’lon qilindi. Bu haqida Reuters agentligi xabar berdi.
Shaharda 55 mingga yaqin aholi istiqomat qiladi, yer ostida paydo bo‘lgan chuqurliklar esa 1,200 kishiga xavf solmoqda. Mahalliy rasmiylarning ta’kidlashicha, so‘nggi oylar ichida chuqurliklarning hajmi sezilarli darajada oshib, turar-joy binolariga yaqinlashgan.
Uzoq yillardan beri shahar aholisi tuproq cho‘kishini kuzatib kelmoqda. Mutaxassislarning fikricha, kuchli yomg‘irlar qumli tuproqlarni yuvib ketmoqda, bu esa qurilish ishlari va o‘rmonlarning kesilishi bilan yanada kuchaymoqda.