Joriy yilning 8–10 dekabr kunlari O‘zbekiston hududiga nam va sovuq havo massalari kirib kelishi kutilmoqda. 8–9 dekabrda respublikaning ayrim hududlarida yomg‘ir yog‘adi, tog‘ oldi va tog‘li hududlarda esa 8–10 dekabr kunlari yog‘ingarchilik — yomg‘ir va qor kuzatiladi.
9–10 dekabr kunlari shimoliy va cho‘l hududlarda shamol tezligi 15–18 m/s gacha, ayrim joylarda esa 20–22 m/s gacha kuchayishi mumkin. 10 dekabrga kelib, markaziy hududlarda havo harorati kechalari 2–5 daraja sovuqcha, kunduz kunlari 3–6 daraja iliq bo‘ladi. Shimolda esa kechalari 7–10 daraja sovuqcha, kunduz kunlari 0–3 daraja sovuq bo‘lishi prognoz qilinmoqda.
Shuningdek, 7–9 dekabr kunlari Toshkent va Namangan viloyatlarining tog‘li hududlarida qor ko‘chishi xavfi mavjud. Respublika bo‘yicha ba’zi hududlarda tuman kuzatilishi mumkin. Toshkentda havo o‘zgaruvchan bo‘lib, kunning birinchi yarmida yomg‘ir yog‘ishi ehtimoli bor.