Давлат харидларида 1,4 млрд сўмлик қонунбузарлик фош этилди
Тиббиёт ва суд тизимидаги харидларда қонун талабларига зид ҳолатлар топилди.
Коррупцияга қарши курашиш агентлиги томонидан ўтказилган текширувлар жараёнида умумий қиймати қарийб 1 миллиард 400 миллион сўм бўлган учта давлат хариди бўйича қонунбузарликлар аниқланди.
Агентлик мутахассислари томонидан қуйидаги ҳолатлар фош этилди:
тиббиёт муассасаси томонидан 832 миллион сўмлик харид рақобат тамойилларига зид равишда амалга оширилган;
вилоят ҳокимлиги томонидан Хоразм шаҳрида “Ягона буюртмачи” орқали ўтказилган 298 миллион сўмлик тендер очиқлик талаблари бузилган ҳолда ташкил этилган;
Олий суд ҳузуридаги Жиззах шаҳар департаменти томонидан амалга оширилган 253,5 миллион сўмлик харид амалдаги қонунчилик талабларига мос келмаган.
Текширув якунларига кўра, тендер ғолибларини аниқлаш бўйича тузилган баённомалар бекор қилинди ҳамда ноқонуний харидларнинг олди олинди. Тегишли материаллар ҳуқуқни муҳофаза қилувчи органларга юборилди.
