Google 2025-yil “Year in Search” hisobotini taqdim etdi. Unda jahon bo‘yicha eng ko‘p qidirilgan kalit so‘z, shuningdek, eng ko‘p izlangan shaxslar va muhim voqealar ro‘yxatlari e’lon qilindi.
“Eng ko‘p o‘sish ko‘rsatgan (trending)” qidiruvlar reytingida birinchi o‘rinni Gemini olgan — bu Google’ning sun’iy intellekt chat-bot xizmatidir.
Keyingi o‘rinlarda “India vs England” va Charlie Kirk ismlari joylashgan.
Shuningdek, jahon miqyosida texnologiya, sport, siyosat va pop-madaniyatga oid bir qator boshqa so‘rovlar ham yuqori talabga ega bo‘lgan: “Club World Cup”, “India vs Australia”, DeepSeek, “Asia Cup”, “iPhone 17” va “Pakistan vs India” kabi.
Google ma’lumotlariga ko‘ra, 2025-yilda izlanishlarda sun’iy intellekt vositalari, sport tadbirlari, xalqaro voqealar va mashhurlar hayoti jamiyatning diqqat markazida bo‘lgan.