Германияда ишсизлик рекорд даражага етди
Бунга иқтисодий ўсишнинг секинлашуви сабаб бўлган.
Германияда ишсизлик даражаси сўнгги ўн йилликдаги энг юқори кўрсаткичга етди. Ҳозирда мамлакатда ишсизлар сони 3 миллиондан ошган.
Федерал меҳнат агентлиги маълумотларига кўра, бугунги кунда Германияда 2,993 миллион ишсиз рўйхатдан ўтган, бу декабрь ойига нисбатан 186 минг кишига кўпроқ. Натижада ишсизлик даражаси 6,4 фоизни ташкил қилиб, ўсиш суръати 0,4 фоизга ошган.
“Бўш иш ўринлари сони ошишда давом этаётган бўлсада, бу жараённинг тезлиги пасаймоқда”, — дейди Германия Меҳнат агентлиги раҳбари Андреа Налес.
Мутахассислар келгуси ойларда иш бозори босим остида қолиши мумкин дея тахмин қилишмоқда. Шунингдек, иқтисодий ўсишнинг секинлашуви ва глобал нотинчлик Германияда иш ўринлари даражасига салбий таъсир кўрсатиши мумкин.
