Isroil harbiy-havo kuchlari zarbalari Tel-Aviv yaqinida husiylarning navbatdagi raketasi urib tushirilganidan keyin amalga oshirilgan.
SAXAL vakili nishonlar orasida Qizil dengiz portlari va Yaman poytaxti Sanadagi energetika infratuzilmasi borligini maʼlum qildi.
Husiylar nazorati ostidagi Al Masirah telekanali Salif portida yetti kishi va Hodeyda viloyatidagi Ras Isa shahrida joylashgan neft inshootida ikki kishi halok bo‘lgani xabar berdi.
Zarbalardan ikki soat oldin Isroil havo hujumidan mudofaa tizimi Yamandan mamlakatning markaziy qismi tomon otilgan raketani tutib olgani xabar berilgan edi. Maʼlumotlarga ko‘ra, raketa hujumi natijasida Tel-Aviv chekkasida joylashgan Ramat Gandagi maktab binosi va bir nechta mashinaga zarar yetgan.
Bu Isroilning husiylar pozitsiyalariga birinchi zarbasi emas. Sentyabr oyi boshida SAXAL kuchlari husiylarga qarshi keng ko‘lamli operatsiya o‘tkazib, harakatning Hodeydadagi pozitsiyalariga kuchli zarbalar bergan edi.