Bugun, 19-sentyabr kuni Kamchatkaning sharqiy qirg'oqlarida 7,8 magnitudali zilzila sodir bo‘ldi. Bu haqida Kamchatka o‘lkasi Favqulodda vaziyatlar vazirligi xabar berdi.
Qayd etilishicha, yer silkinishi mahalliy vaqt bilan 6:58 da qayd etilgan. Zilzila epitsentri Tinch okeanida, Petropavlovsk-Kamchatskiydan 143 km sharqda joylashgan. Zilzila Petropavlovsk-Kamchatskiy va Vilyuchinskda 7 ballgacha, Yelizovskiy tumani aholisi 6 ballgacha, Ust-Kamchatskiy tumanida esa 4 ballgacha sezilgan.
“Kamchatkada yuz bergan zilziladan so‘ng barcha xizmatlar yuqori darajadagi shay holatga o‘tkazildi”, — dedi Kamchatka gubernatori Solodov.
Eslatib o'tamiz, joriy yilning 30-iyul kuni Kamchatkaning sharqiy qirg'og'ida eng kuchli zilzila sodir bo'ldi. Mahalliy aholi o'sha kuni 8,0 magnitudali silkinish yuz berganini qayd etishgandi.