9-may kuni Shimoliy Koreya yetakchisi Kim Chen In G‘alaba kuni munosabati bilan Rossiya prezidenti Vladimir Putinga tabrik telegrammasi yo‘lladi.
Unda Rossiyaning xalqaro adolat uchun kurashda g‘alaba qozonishiga ishonch bildirilgan.
“Ishonchim komilki, siz rahbarligingizdagi qatʼiyatli va adolatli rus xalqi bundan buyon ham suverenitet, mamlakat qadr-qimmati hamda mintaqada barqarorlikni taʼminlash, har qanday chaqiriqlarni yengish yo‘lida g‘alaba qozonadi. Shu munosabat bilan sizlarga xalqaro adolatni ro‘yobga chiqarish uchun muqaddas kurashga mardonavorlik tilayman va Rossiya armiyasi hamda xalqiga yana bir bor qizg‘in jangovar salomlar yo‘llayman”, — deyiladi telegrammada.