Unda Armaniston bosh vaziri videoaloqa orqali ishtirok etdi. Pashinyan YeOIIning Minskda bo‘lib o‘tadigan navbatdagi yig‘ilishida ham xuddi shunday shaklda ishtirok etishini ma’lum qildi.
"Sizning muammoingiz nimada? Minsk sizga uzoqlik qiladimi yoki sizni olib boradigan hech kim yo‘qmi? Agar kerak bo‘lsa, delegatsiyangizni Minskka yetkazishni tashkil qilamiz", — deb so‘radi Lukashenko.
Pashinyan bu borada allaqachon bayonot berganini aytdi:
"Biz sizning bayonotingizni ko‘rib chiqamiz", — deb javob berdi Lukashenko.
Pashinyan bunga javoban bayonoti qayta ko‘rib chiqilmasligini ta’kidladi.
"Ko‘rib chiqamiz, ehtimol siz masofadan turib ishtirok etishingiz uchun televizor bo‘lmaydi", — dedi Lukashenko.
"Agar siz hali ham televizorlar bilan bog‘liq muammolarga duch kelsangiz, men buni tushunaman", — deb javob berdi Pashinyan.
So‘nggi yillarda Armaniston va Belarus o‘rtasidagi munosabatlar sovuqlashgan. Yerevan Minskni Tog‘li Qorabog‘ urushida Ozarboyjonni qo‘llab-quvvatlayotganlikda ayblaydi. Yozda Pashinyan Lukashenko rahbarlik qilayotgan davrda Belarusga boshqa bormasligini aytgan edi.