Масъуд Пезешкиян Илҳом Алиев билан телефон орқали мулоқот қилди
У Нахчивон ҳодисасида Эрон алоқадор эмаслигини маълум қилди ва воқеа текширилиши таъкидлади.
Эрон президенти Масъуд Пезешкиян 8 март куни Озарбайжон президенти Илҳом Алиев билан телефон орқали мулоқотда бўлди. Бу ҳақда Озарбайжон президенти матбуот хизмати хабар берди.
Мулоқот чоғида Масъуд Пезешкиян Нахчивонга уюштирилган ҳаводан ўқ узиш ҳодисасида Эроннинг алоқадор эмаслигини маълум қилди ва воқеанинг тўлиқ текширилишини таъкидлади.
Шунингдек, Пезешкиян Илҳом Алиевга Озарбайжондаги Эрон элчихонасига ташриф буюриб, Эроннинг олий раҳбари ойатуллоҳ Али Хоманеий ҳалок бўлганлиги муносабати билан ҳамдардлик билдиргани учун миннатдорлигини изҳор қилди. У, шунингдек, Эрон учун гуманитар ёрдам кўрсатиш нияти учун раҳмат айтди.
Президент Илҳом Алиев ҳам Эрон ҳудудида юз берган сўнгги воқеаларда кўплаб фуқаролик объектлари ва шахслар ҳалок бўлганлиги билан боғлиқ ҳамдардлик билдирди ҳамда Нахчивондаги ҳодисанинг тўлиқ тергов қилинишини таъкидлади.
