Meksikaning Oaxaka shtatida “Agata” to‘foni tufayli favqulodda holat joriy etildi. Tabiiy ofat 29 maydan buyon davom etmoqda.
Shtat fuqaro himoyasi boshqarmasida 25 tumanda favqulodda vaziyat eʼlon qilingan. Oaxaka gubernatori Alexandro Muratning so‘zlariga ko‘ra, hozirda hodisa oqibatida 9 kishi halok bo‘lgan. Bundan tashqari, olti nafar bedarak yo‘qolganlar qidirilmoqda.
Meksikada “Agata” qurbonlari jami 19 nafarga yetdi. Davlat rahbari Andres Manuel Lopes Obrador tabiiy ofatdan zarar ko‘rganlarga yordam berilishini eʼlon qilgan.
Bundan oldin hukumat Oaxaka va Chiapas shtatlaridagi 294 shahrida xavfning “sariq” darajasini joriy etgandi.
“Agata” soatiga 140-170 kilometr tezlikda harakat qilmoqda.
Avvalroq Braziliyada tabiiy ofat qurbonlari soni oshgani to‘g‘risida xabar berilgandi.