“Milton” to‘foni Meksikaning Yukatan shtatiga yopirildi. Mahalliy OAVning xabar berishicha, to‘fon infratuzilmaga katta zarar yetkazib, elektr taʼminoti uzilishiga sabab bo‘lgan.
Hozir to‘fon AQSHning Florida shtati tomon harakatlanmoqda. Shtatda allaqachon yirik evakuatsiya ishlari boshlangan.
Iqlimshunoslar “Milton” to‘foni rasman mavjud bo‘lmagan 6-toifa xavf darajasigacha kuchayishi mumkin, deb taxmin qilmoqda.