Наманганда тикувчилик корхонасида ёнғин чиқди
Оқибатда, тайёр ва ярим тайёр маҳсулотлар, ҳужжатлар ёниб кетган.
Бугун соат 12:09 да Наманган шаҳридаги "Озод" МФЙдаги А.Хўжаев кўчасида жойлашган чевархонада ёнғин бўлган. 6 минут ичида шаҳар фавқулодда вазиятлар бўлими ходимлари воқеа жойига етиб келган ва 12:45 да ёнғин бартараф этилган.
Талофат оқибатида бинонинг шифт ва ички қисмидан 70 кв. метр жойи, тайёр ва ярим таёр маҳсулотлари, 6 дона тикув машиналари, 1 дона компьютер ҳамда ҳужжатлари ёниб кетган.
Ҳозирда содир бўлган ёнғин юзасидан терговга қадар суриштирув ишлари олиб борилмоқда.
Аввалроқ Наманганда газ қуйиш шохобчаси ёниб кетгани ҳамда бир-бирига туташ 4 та уйда ёнғин содир бўлгани ҳақида хабар берилганди.
Муножат Валиева
