Наманганда газ қуйиш шахобчаси ёниб кетди
Жорий йилнинг 2 октябрь куни соат 00 :13 да Наманган туман Фавқулодда вазиятлар бўлимини 101 қисқа рақамига Наманган тумани “Қурама” маҳалла фуқаролар йиғини Қорасув кўчаси 2 уйда жойлашган “Замин Метал Саноат” МЧЖга тегишли 1-АГТКШ (автомабилларга газ тўлдириш компрессор шахобчаси)да ёнғин содир бўлаётганлиги тўғрисида маълумот келиб тушган.
Наманган туман ва Наманган шаҳар Фавқулодда вазиятлар бўлимлари зудлик билан воқеа жойига соат 00:25 да етиб борган ҳамда ёнғин соат 00:27да қуршаб олинган.
Ёнғин натижасида шахобчанинг биринчи газ қуйиш ускунаси ва шифт қисмида 40 кв.метр жойи ёниб зарарланган, ёнғин қутқарувчилар томонидан эса соат 00:45да ўчирилгани маълум бўлди.
Содир бўлган ёнғин натижасида инсонларда куйиш, тан жароҳати олиш ҳамда ҳалок бўлиш ҳолатларига йўл қўйилмаган.
Ҳозирда содир бўлган ёнғин юзасидан терговга қадар суруштирув ишлари олиб борилмоқда.
Аввалроқ, Самарқанда ўрмон ёнғини содир бўлгани ва Тошкентда ошхона ёниб кетгани ҳақида ФВВ расмий маълумот берганди. Шунингдек, Тошкентда электр подстацияси ёниб кетгани ҳақида хабар берилганди.
Чўлпоной Аҳмедова
