Наманганда бир-бирига туташ 4 та уй ёниб кетди
Бу ҳодиса бугун тонгда — соат 07:10 да Наманган вилояти Наманган шаҳар “Истиқбол” МФЙда юз берган.
Бу ҳақда ФВВ хабар берди.
Ҳодиса оқибатида ушбу манзил ҳудудида жойлашган бир-бирига туташган уйлар зарар кўрган. Воқеа жойига шаҳар ФВБнинг 6 та ёнғин-қутқарув экипажи соат 07:16 да етиб борган, ёнғин соат 07:21 да қуршаб олиниб, соат 07:58 да талофат тўлиқ бартараф этилган. Ёнғиндан 4 та уйнинг тахминан 300 кв.м. майдонда том, шифт қисми ва уй жиҳозлари ёниб зарарланган. Ҳодиса оқибатида жабрланган ва ҳалок бўлганлар йўқ. Ҳозирда ёнғин сабаби ҳамда келтирилган моддий зарар миқдори аниқланмоқда.
"Юқоридаги каби кўнгилсиз вазиятларнинг олдини олиш мақсадида, Фавқулодда вазиятлар вазирлиги фуқаролардан ёнғин хавфсизлиги қоидаларига риоя этишни сўраб қоламиз", — дейилади хабарда.
Аввалроқ Наманганда хонадонларнинг бирида ёнғин чиқиб, ҳужжатлар ёниб кетганди. Шунингдек, масжид қурилиши пайтида қўшни уй дарвозахонасининг том қисми қулаб тушгани, икки уйнинг томи ёниб кетгани ҳамда НамДУга қарашли талабалар ётоқхонасида ёнғин чиққани ҳақида хабар берилганди.
Баҳринисо Мадумарова
