Arizonaning changli cho‘lida g‘ayrioddiy transport vositasi — kelajakdagi oy missiyasi uchun boshqariladigan rover sinovdan o‘tkazilmoqda. U NASA tomonidan “Artemida” dasturi uchun maxsus ishlab chiqilgan bo‘lib, kosmonavtlarning uzoq yurishlarini va asosiy oy bazasidan uzoqda lager qilishni o‘z ichiga oladi.
Avtomobil noyob shassi tizimini olgan, unda har bir g‘ildirak alohida boshqariladi va o‘z suspenziyasiga ega. Shuning uchun uni ko‘tarish mumkin. Rover joyida aylana oladi, yon va diagonal bo‘ylab harakatlanishi, turli o‘lchamdagi toshlar ustida yurishi hamda juda tik bo‘lmagan qiyaliklarni zabt etishi mumkin.
Oyga sayohatlar bir necha kunga mo‘ljallanganligi sababli, roverning ichida asosiy yashash sharoitlari, jumladan, yotoqxona, muzlatkich va hojatxona mavjud. Birinchi sinov davomida bir guruh sinovchilar uch kun-u ikki tun ichkarida bo‘lib, cho‘l bo‘ylab harakatlanishdi va turli geologik tadqiqotlar olib borishdi. Taxminlarga ko‘ra, rover “Artemida” dasturining uchinchi qismi doirasida Oyga chiqadi.