Оқ уй Украинага ажратилган пуллар ҳисобидан Тайванни қуроллантирмоқчи
Экспертларнинг фикрича, Украинани молиялаштиришга қарши бўлганларнинг кўпчилиги ҳали ҳам Тайванни қўллаб-қувватлаяпти.
АҚШ президенти Жо Байден Конгрессдан Украинага ёрдам учун ажратилган маблағнинг бир қисмини Тайванга қурол-яроғ сифатида юборишни сўраш ниятида, деб ёзади The Financial Times манбаларга таяниб.
Экспертларнинг фикрича, ушбу қарор билан Байден маъмурияти Хитойдан тобора кучайиб бораётган таҳдид шароитида Тайванга қурол етказиб беришни тезлаштиришга умид қилмоқда.
Оқ уй Украинага хорижий давлатларга ҳарбий ёрдам кўрсатиш дастури ҳисобидан қўшимча молиялаштириш доирасида Тайванга маблағ ажратмоқчи. Тайваннинг ушбу пакетга киритилиши Украинага ёрдам ажратилишига шубҳа билан қарайдиган, аммо Тайванга ёрдамни қўллаб-қувватлаётган республикачиларни янада реалроқ қўллаб-қувватлашга имкон беради, дейди экспертлар.
«Тайванга қўшимча маблағ қўшиш Вакиллар палатасида айрим республикачиларни қийин аҳволга солиб қўяди, чунки Украинани молиялаштиришга қарши бўлганларнинг кўпчилиги ҳали ҳам Тайванни қўллаб-қувватлаяпти», — деди American Enterprise Institute таҳлил маркази эксперти Зак Купер.
