Ijtimoiy tarmoqlarda Toshkent viloyati Parkent tumanidagi bolalar bog‘chasida tarbiyachi tomonidan bolalarga zo‘ravonlik qilinganiga oid videoyozuv tarqaldi.
Bolalar huquqlarini himoya qilish bo‘yicha Ombudsman mazkur holatni o‘rganmoqda. Dastlabki ma’lumotlarga ko‘ra, 2025-yil 28-fevral kuni bog‘cha tarbiyachisi A.P. tarbiyalanuvchilar – Z.R. (2018-yilda tug‘ilgan qiz bola) va S.M. (2019-yilda tug‘ilgan, o‘g‘il bola)ning quloq qismidan tortib, yuz va boshlariga bir necha bor urgan. Ushbu harakatlar videoyozuvda qayd etilgan.
Ayni paytda holat bo‘yicha tergovga qadar tekshiruv olib borilmoqda. Bolalarga tan jarohati yetkazilganligi faktini aniqlash maqsadida sud-tibbiy ekspertiza tayinlangan.