«ПСЖ» эркалаётган эркатойлар клубни масхара қиляптими?
Парижликларнинг лойиҳаси қайта қурилиши мумкин.
«ПСЖ» жаҳон футболидаги энг юлдузли ҳужум учлигини йўқотди. Лионел Месси клуб билан янги шартнома имзоламади ва «Интер Маями»да ўйнаш учун АҚШга кетди. Неймарнинг ҳам Парижни тарк этиш эҳтимоли катта. Бразилиялик футболчи учун асосий вариант Саудиянинг «Ал-Ҳилол» клуби бўлиб турибди, унга араблар йилига 200 миллион евро таклиф қилган. «ПСЖ»нинг асосий футболчиси Килиан Мбаппе ҳам клубни тарк этади: ҳозир эмас, яқин келажакда. Футболчи раҳбариятни 2024 йилнинг ёзида ниҳоясига етадиган шартномани узайтирмаслиги ҳақида огоҳлантирган. «ПСЖ» ўзининг кўплаб юлдузларини кечириб келмоқда. Бугун ушбу воқеалар ривожи ҳам маълумот тақдим этамиз.
Биринчи можароларни Неймар уюштирган. Бразилиялик футболчи узоқ вақтдан бери раҳбарият ва мухлисларни ғазаблантириб келади. Неймар Бразилияга учиб кетиш ва у ерда қариндошларининг туғилган кунларини нишонлагани учун кўп дисквалификация қилинди ва жароҳатлар олди. Неймар ўз қасрида ҳам доимий равишда зиёфатлар уюштириб туради, бу бир пайтлар ҳатто бразилиялик яшайдиган Буживал шаҳри мерини ҳам ғазаблантирган. Ҳужумчи дунёнинг энг зўр футболчиларидан бири ва «ПСЖ»нинг ажойиб ўйинчиси. Лекин Неймар ўйинларни тез-тез ўтказиб юборади ва майдондан ташқарида у жуда кўп ортиқча ишларни амалга оширади.
«ПСЖ» раҳбарлари Неймарга бошқа чидашни хоҳламайдилар
Месси билан бўлган асосий жанжал Леонинг Франция чемпионатининг охирида содир бўлди. Аргентиналик футболчи Лига 1нинг 33-туридан ўрин олган Лоренга қарши ўйиндан сўнг (1:3) Саудия Арабистонига учиб кетди. Жамоа ихтиёрида бўлиб турган футболчининг бу қарори клуб раҳбариятини ғазаблантиради. «Гоал» нашрининг «ЛЪЭқуипе» нашрига таяниб хабар беришича, жаҳон чемпиони «ПСЖ»нинг қатарлик бошлиқларидан тегишли рухсат олган. Бироқ, бу етарли эмас деб қабул қилинди. Ҳамда футболчи Парижга қайтганидан сўнг кечирим сўрашга мажбур бўлди.
Табиийки, Мессининг хатти-ҳаракати ҳамма жамоадошларига ҳам ёқмади. Баъзилар Леонинг бу ҳаракатини жамоага нисбатан ҳурмацизлик деб ҳисоблашди. «ПСЖ» футболчини икки ҳафтага машғулотлар ва ўйинлардан четлатди.
Нега Мессининг «ПСЖ»даги даври франсуз клуби учун омадсиз тугади?
«ПСЖ»нинг асосий юлдузи ва айни пайтда асосий дарди - Килиан Мбаппе. Ҳар бир трансфер ойнасида парижлик бошлиқлар бўлажак ҳужумчи билан боғлиқ вазият туфайли асабийлашади. 2022-йилнинг ёзида Мбаппе «ПСЖ» билан 2024 йилгача (бир мавсум узайтириш варианти билан) янги шартнома имзолади. Бунгача ОАВ Килианни «Реал»га ўтиши ҳақида ёзишганди. Франциялик футболчининг бир оёғи билан Испанияда эди, бироқ сўнгги лаҳзада фикридан қайтди ва «ПСЖ»да қолди. Килианнинг ўзи ҳам доим Мадридда ўйнашни ва ўз кумири Криштиану Роналду йўлидан боришни орзу қилган. «ПСЖ» билан шартнома имзолаганидан бир неча ой ўтгач, Мбаппе лойиҳадан кўнгли тўлди. Бироқ, у клубнинг трансфер сиёсатидан норози эди. Достоннинг янги эпизоди 2023-йилнинг 12-июнида бошланди: Мбаппе «ПСЖ» раҳбариятини янги шартнома имзоламаслиги ҳақида хабардор қилди. Маълумотни футболчининг вакиллари ҳам тасдиқлашди. Клуб футболчидан ғазабланиб, унга ултиматум қўйди: ё шартномани узайтириш ёки шу ёзда трансфер. Парижликлар Килианни бир йилдан кейин эркин агент сифатида қўйиб юборишмоқчи эмас. Ҳужумчи фаолиятини давом эттиришнинг энг кўп варианти - «Реал Мадрид» ҳисобланади.
Мбаппенинг «ПСЖ» билан шартнома бўйича қарори тафсилотлари
«ПСЖ»нинг учта асосий юлдузи жамоани том маънода масхара қилишди. Бунга эса раҳбарият айбдор. «ПСЖ» раҳбарларининг ўзлари Месси, Мбаппе ва Неймарга жуда катта имкониятлар яратиб берилди. Бу садоқат эса зиёнга ўйнади: футболчилар клубдан миннатдор эмас, аксинча улар жамоадан тезроқ кетишни хоҳлашади. Юлдузлар билан боғлиқ вазият «ПСЖ»ни лойиҳанинг тўғри йўналиши ҳақида ўйлаб кўришга мажбур қилиши тайин.
