Туркия 24 йил ўтиб ЖЧга қайтди

Футбол бўйича 2026 йилги Жаҳон чемпионати саралашининг Европа минтақаси плей-офф ўйини финалида Туркия Косово миллий терма жамоаси устидан 1:0 ҳисобида ғалаба қозониб, жорий йил июнь ва июль ойларида АҚШ, Канада ва Мексикада ўтадиган мундиал иштирокчисига айланди.

 

Сўнги бор улар Япония ва Жанубий Корея мезбонлигида ўтган 2002 йилги Жаҳон чемпионатида иштирок этганди ва ушбу турнирда сенсация қайд этиб, яримфиналга қадар етиб борганди. Финал йўлланмаси учун курашда ўша турнир ғолиби Бразилияга (0:1) имкониятни бой берган турклар учинчи ўрин учун баҳсда мезбон Жанубий Кореяни (3:2) мағлуб этиб, совриндорлар қаторидан жой олган.

 

Туркия ушбу турнирда D гуруҳида АҚШ, Парагвай ва Австралияга қарши беллашади.

 

Женнаро Гаттузо бошчилигидаги Италия терма жамоаси эса ҳал қилувчи баҳсда Босния ва Герцоговина терма жамоаси билан беллашди ва ўйининг асосий вақтида 1:1 ҳисоби қайд этилди, пеналтилар сериясида эса болқонликларнинг омади келиб океан ортида ўтадиган мундиал йўлланмасини қўлга киритди. Шу тариқа Италия терма жамоаси қаторисига учинчи бор Жаҳон чемпионатисиз қоладиган бўлди. Сўнги бор италянлар 2014 йилда Бразилияда ўтган дунё биринчилида қатнашган эди.

 

Шунингдек, Европадан Швеция, ва Чехия ҳамда минтақалараро плей-оффда Ямайкани таслим қилган Конго терма жамоалари ЖЧга йўл олди. Қайд этиш жоиз Конго миллий терма жамоаси турнирда Ўзбекистон билан бир гуруҳда жойлашган.