Конор Макгрегор UFC'га қайтиш учун рухсат олди
Макгерогор навбатдаги жангини 11 июль куни Лас-Вегасдаги UFC 330 турнирида ўтказади.
Икки вазн тоифасида собиқ UFC чемпиони, ирландиялик Конор Макгрегор расмий равишда октагонга қайтиш учун рухсат олди. Бу ҳақда The Sun хабар бермоқда.
Макгрегорга 2025 йил октябрда Combat Sports Anti-Doping (CSAD) – УФCдаги допин назорати билан шуғулланувчи ташкилот томонидан қўйилган дисквалификация 18 ойдан сўнг, 20 март куни якунланди.
Ирландиялик жангчи 2024 йилда уч марта, 13 июнь, 19 ва 20 сентябрда, допинг тестини топширмагани учун жазоланган.
UFC спортчилари доимо ўзларининг жойлашуви тўғрисида аниқ маълумот беришга мажбур. Чунки улар олдиндан огоҳлантирилмасдан тест топшириш учун чақирилиши мумкин.
The Sun манбасига кўра, жангчининг вакиллари ўтган ҳафта Лас-Вегасда UFC раҳбарияти билан музокаралар ўтказган ва манба бу музокараларни “ижобий” деб баҳолаган. 11 июль куни UFC 330 турнирининг асосий жангида Макгрегорнинг иштирок этиши кутилмоқда.
Аввалроқ, Макгрегор 14 июнь куни Оқ уйда ўтказилиши режалаштирилган турнирда ёки 2026 йил ёзидаги яқин UFC шоулардан бирида қайтиши мумкинлигини билдирган эди.
АҚШ Президенти Доналд Трамп мамлакатнинг 250 йиллиги муносабати билан 14 июнда Оқ уй ҳудудида UFC турнири ўтказилишини маълум қилган эди. Бироқ 8 март куни эълон қилинган тўлиқ иштирокчилар рўйхатида ирландиялик жангчи йўқ эди.
37 ёшли Макгрегор 2021 йил июлидан буён октагонга чиқмаган. Ўшанда UFC 264 турнирида америкалик Жастин Поре оёқ жароҳати сабабли техник нокаут билан ютқазган. Макгрегорнинг ММАъдаги умумий ҳисобида 22 ғалаба ва 6 мағлубият бор.
