Санкциялар марафони бошланди: АҚШ ДХР ва ЛХР билан савдони тақиқлади
Шунингдек, Москва томонидан мустақилликнинг тан олиниши миллий хавфсизликка таҳдид сифатида баҳоланган.
Жозеф Байден Россиянинг Украина шарқидаги ДХР ва ЛХР мустақиллигини тан олиши муносабати билан санкциялар тўғрисида қарор имзолади.
Бу ҳақда ТАСС хабар берди.
Ушбу ҳужжатда америкаликларга Донбассга инвестиция ва молия манбалари киритишини тақиқлаб қўйди. Шунингдек, бу икки тан олинмаган ҳудудий бирликлар билан савдо қилиш ҳам ман этилди.
Бундан ташқари қарор президент администрациясига ДХР ва ЛХРда фаолият олиб бораётган ҳар қандай шахсга санкция жорий этиш ҳуқуқини берган.
Ҳужжатда Россиянинг ушбу икки ҳудуд суверенитетини тан олишини Украина ҳудудий яхлитлигига таҳдид сиқатида баҳолангани ва Москванинг Минск келишувларидага мажбуриятларига зид экани айтилган.
Шу билан бирга бу қадам Қўшма штатлар миллий хавфзислигига фавқулодда хавф сифатида баҳоланган.
Маълумот ўрнида: Путин 21 февраль куни Россия хавфсизлик кенгашининг навбатдан ташқари йиғилишини чақирди.
Унда ДХР ва ЛХР мустақиллигини тан олиш масаласи кўриб чиқилди. Шундан кейин у Россия халқига мурожаат қилиб, бу икки ҳудуд суверенитетини тан олишини эълон қилди. Шу куннинг ўзидаёқ ДХР ва ЛХР билан дўстлик ва иттифоқчиликни кўзда тутувчи битим имзоланди.
Бу РФга Украина шарқига қўшин киритиш ҳуқуқини беради.
