O‘zbekiston Prezidentining matbuot kotibi Sherzod Asadov bugun “Euronews” media xoldingi direktorlar kengashi raisi Pedro Vargas David bilan uchrashuv o‘tkazdi. Tomonlar O‘zbekiston va “Euronews” o‘rtasidagi media hamkorlikni yanada mustahkamlash va yangi yo‘nalishlarda rivojlantirish masalalarini muhokama qildi.
Uchrashuv davomida mamlakatning ijobiy xalqaro imijini targ‘ib qilish, qo‘shma media loyihalarini amalga oshirish hamda yirik voqea va tashabbuslarni jahon auditoriyasiga samarali yetkazish bo‘yicha fikr almashildi. Shuningdek, jurnalistlarning malakasini oshirish, axborot almashinuvi va professional treninglarni kuchaytirish bo‘yicha takliflar ko‘rib chiqildi.
Tomonlar yaqin kelajakda hamkorlikni yanada faollashtirib, O‘zbekistonda olib borilayotgan jadal islohotlar va xalqaro tashabbuslarni keng ommaga yetkazishga xizmat qiluvchi qo‘shma loyihalarni yo‘lga qo‘yishga kelishib oldi.