Mazkur bellashuv boshlanishidan oldin yuzga yaqin muxlis stadionga chiptasiz kirishga urindi. Shuningdek, o‘yin davomida muxlislar maydonga chiqib yugurgan, buyumlar uloqtirgan.
UEFA ushbu o‘yin bo‘yicha ishni bugun, yaʼni 18-oktabr kuni hal qiladi. Katta ehtimol bilan Angliya futbol terma jamoasi hech bo‘lmaganda bitta uy o‘yinini muxlislarsiz o‘tkazishi kerak bo‘ladi.
Eslatib o‘tamiz, shu yilning yozida bo‘lib o‘tgan “Evro-2020” musobaqasining final bahsida Angliya terma jamoasi Italiyaga penaltilar seriyasida 3:2 hisobida imkoniyatni boy berdi.
Avvalroq UEFA “Yevro-2024” saralash turniriga qurʼa tashlash sanasi maʼlum bo‘lgani va Xalqaro Olimpiya qo‘mitasi KXDR MOQni jazolagani haqida xabar berilgandi.
Jamshidbek Amirov