Мураббий билан можаро: Роналду Португалия терма жамоаси машғулотини тарк этди
Воқеа мураббий матбуот анжуманида Роналду билан ўртасида ҳеч қандай можаро йўқлигини айтганидан кейин юз берган.
Криштиану Роналду Португалия терма жамоасининг навбатдаги машғулотида иштирок этмади. Бунга ҳужумчи ва бош мураббий Жорже Жезус ўртасидаги келишмовчилик сабаб бўлгани айтилмоқда.
А Bola нашри хабарига кўра, воқеа Жезус матбуот анжуманида Роналду билан ўртасида ҳеч қандай можаро йўқлигини таъкидлаганидан кейин юз берган. Шундан сўнг Роналду Португалия футбол федерациясининг икки ходими ҳамроҳлигида терма жамоа базасидан чиқиб кетган.
Маълумот ўрнида, Португалия 1 октябрь куни Миллатлар лигаси 3-турида Данияга қарши майдонга тушади. Учрашув Копенгагендаги «Паркен» стадионида бўлиб ўтади.
Роналду Португалиянинг турнирдаги дастлабки икки учрашувидан фақат биттасида майдонга тушган. У Уэльс қарши баҳсда 67 дақиқа ўйнаган, бироқ гол ёки голли узатма қайд этмаган. Норвегияга қарши учрашувда эса португалиялик ҳужумчи майдонга тушмаган.
