Navoiy viloyati hokimi vazifasini bajaruvchi Normat Tursunovning tegishli farmoyishi bilan Xatirchi tumani hokimi Nizamov Sayfiddin Faxriddinovga nisbatan intizomiy jazo qo‘llanildi. Bu haqda N. Tursunovning 7 mart kuni imzolagan farmoyishi O‘zbekiston Respublikasi Adliya vazirligining rasmiy saytida e’lon qilingan.
Ma’lum bo‘lishicha, hokim dehqon xo‘jaliklarini yuritish uchun yer uchastkalarini ochiq elektron tanlovga chiqarish ishlarini tashkillashtirish masalalarida sustkashlikka yo‘l qo‘yganligi, ish faoliyatidagi xato va kamchiliklarga yo‘l qo‘yib, mehnat hamda ijro intizomini buzgan.