Навоий вилояти ҳокими вазифасини бажарувчи Нормат Турсуновнинг тегишли фармойиши билан Хатирчи тумани ҳокими Низамов Сайфиддин Фахриддиновга нисбатан интизомий жазо қўлланилди. Бу ҳақда Н. Турсуновнинг 7 март куни имзолаган фармойиши Ўзбекистон Республикаси Адлия вазирлигининг расмий сайтида эълон қилинган.
Маълум бўлишича, ҳоким деҳқон хўжаликларини юритиш учун ер участкаларини очиқ электрон танловга чиқариш ишларини ташкиллаштириш масалаларида сусткашликка йўл қўйганлиги, иш фаолиятидаги хато ва камчиликларга йўл қўйиб, меҳнат ҳамда ижро интизомини бузган.