4-mart kuni viloyat IIB boshlig‘i nomiga Navbahor tumanida yashovchi fuqarolar tomonidan “Qizil simob” va “Radiy” moddalarining 50 ming dollardan sotilayotgani bo‘yicha ariza kelib tushgan.
Arizaga binoan tegishli tashkilotlar tomonidan 5-mart kuni tumanning “Qalqonota” MFY hududida tezkor tadbir o‘tkazilgan. Shartli ravishda xaridor sifatida jalb etilgan fuqaro gumonlanuvchilarga 50 ming dollar miqdorida pullarni berib, ulardan “Radiy Ra 226 02 5” yozuvli 1 dona shisha ichiga joylashtirilgan 250 gramm radioaktiv moddani olgan vaqtida daliliy ashyolar bilan qo‘lga olingan.
Hozirda ushbu holat yuzasidan Jinoyat kodeksining 252-moddasi 2-qismi “b” bandi bilan jinoyat ishi qo‘zg‘atilgan.