Хитой Тайван атрофига 68 та самолёт ва 13 та кема юборди
Улардан баъзилари Тайван бўғозидаги «ўрта чизиқ» ни кесиб ўтган.
Маневрлар Хитой орол атрофида ўтказаётган кенг кўламли машқлари давомида Хитой ҳарбий-ҳаво кучларининг 50 га яқин самолёти Тайваннинг ҳаво ҳужумидан мудофаа идентификация зонасида парвоз қилди.
Улар қўшинларнинг турли бўлинмалари ва турларининг биргаликдаги ҳаракатларини ишлаб чиқишни кўзлагани айтилмоқда. Хитой орол атрофида маневр қилиш учун 68 та самолёт ва 13 та кема юборган. Бу ҳақда Тайван Мудофаа вазирлиги маълум қилган.
Тайван атрофидаги кескинлашувлар орқали Америка ҳарбий қўмондонлиги вакиллари хитойлик ҳамкасблари билан бир неча бор боғланишга уринган. Бироқ улар қўнғироқларга жавоб бермаётганлиги хабар қилинган.
Жанубий Корея ташқи ишлар вазири Пак Чин Пномпендаги Шарқий Осиё саммитида Сеул Тайван бўғозидаги вазиятдан хавотирда экани ва минтақадаги статус-квонинг кучли ўзгаришига қаршилигини билдирган.
