Хитой Тайванга яна ҳарбий самолёт ва кемалар юборди
Мамлакат армияси ўтган ҳафта ҳарбий машғулотларни якунлаганди.
Хитой Халқ озодлик армияси Тайванга 17 та ҳарбий самолёт ва бешта кема юборди. Бу ҳақда “Риа Новости” нашри ёзмоқда.
“Тайван қуролли кучлари Тайвань атрофидаги денгиз ва ҳаво бўшлиғида патруль хизматини амалга оширган Хитой армиясининг 17 та самолёти ва 5 та кемасини аниқлади”, — дейилади хабарда.
Қайд этилишича, 10 та самолёт Тайвань бўғозининг “ўрта чизиғи” деб аталадиган ҳудудни кесиб ўтган.
Тайвань томони вазиятни кузатиш учун ҳаво патрулини юборган. Шунингдек, ҳудудга зенит-ракета тизимларини жойлаштирган.
