Oliy taʼlim, fan va innovatsiyalar vazirligi ijtimoiy tarmoqlar orqali yangi o‘quv yilidan boshlab sirtqi taʼlim yo‘nalishlarida qabul to‘xtatilishi haqida tarqalgan xabarlarga munosabat bildirdi.
Vazirlikning maʼlum qilishicha, tarmoqlarda tarqalayotgan ushbu mazmundagi xabarlar haqiqatga to‘g‘ri kelmaydi. Unga ko‘ra, Prezidentning qarori bilan 2023/2024-o‘quv yilidan boshlab pedagogik kadrlar tayyorlovchi OTMlarning faqat 14 ta taʼlim yo‘nalishi bo‘yicha sirtqi taʼlim shakliga qabul amalga oshirilmaydi.
Qolgan pedagogik taʼlim yo‘nalishlariga hujjat topshirish uchun kamida 5 yil ish staji talab etiladi.