Олимлар сайёрадаги илк жонзотни аниқлашди
Унинг ташқи кўриниши медузага ўхшаш.
Берклидаги Калифорния университети жамоаси медузага ўхшаш ктенофор деб номланган ҳайвон сайёрамиздаги биринчи жонзот эканлигини аниқлади, дея хабар бермоқда “Янги Ўзбекистон” нашри.
Тадқиқот натижалари Porifera биринчи жонзот эканлиги ҳақидаги узоқ давом этган мунозараларга чек қўйди, чунки уларнинг қолдиқлари тахминан 600 миллион йилга бориб тақалади.
Молекуляр биолог ва тадқиқот муаллифи Дэниель Рохсарнинг таъкидлашича, замонавий океанлар ва аквариумларда учрайдиган ктенофорлар мураккаброқ асаб тизимига эга бўлишига қарамай, энг қадимий жонзот масаласида Poriferaдан узиб кетди.
Ктенофорларда пайпаслагичга ўхшаш саккизта “киприклар” мавжуд, бу уларга океан бўйлаб ҳаракатланиш имконини беради.
